canti nuovi per raccontare storie antiche
prossimi eventi
VENERDI' 27 GIUGNO 2025
ore 21
CHIAMPO
serata all'aperto luogo da destinarsi
Eroe dell'aria
Sbusava el sole, sgrafava l’aria,
vardava el mondo a testa in zo
una spada immaginaria che taiava el cielo in do
un cavaliere su un destriero,
un eroe del Novecento
l’era un pegaso de fero, un acrobata nel vento
un par de ociai ‘na cuffia in cuoio,
una tuta da aviatore
tra le nubi un corridoio, el lanciava el so motore
sora l’acqua el se speciava,
quela freccia d’aeroplano
tutti i altri che i copiava la manovra Desenzano
va lontano, va su in alto, va veloce Dal Molin
un maresciallo che naviga nel cielo
in gara contro el so destin
Va lontano, va su in alto, va veloce Dal Molin
un pilota che porta el tricolore,
vardè tomaso come el core
El gà firmà nel ’29 le virtù de la so impresa
le so gesta, le so prove: una virata una discesa
Là su al nord el vento inglese
el se ricorda l’italiano
un solo giorno el vale un mese pal corajo in aeroplano
taze el vento, l’onda ferma
mentre el lago ghe ruba la memoria
l’acqua sconde, el cielo se confonde
dentro el tempo che vol scapar via
par non ricordare. Par desmentegare
​
Madonna della Pieve​​
Fuma 'na candela che spande zo la cera
Trema la fiamella che scalda 'na preghiera
Madonna della Pieve portemo qua i dolori
Madonna che riceve i voti e i nostri errori
​
Ascolta quella mamma che varda sull’altare
La pianze, la te ciama, con tuto da cambiare
sorriso che raduna, la gente forestiera
i canti appresi in cuna, la vose de chi spera
​
Cara Madonna che iuta la gente,
chi ze nella prova, chi non gà pì gnente
Porta la luce fin dentro la sera
Come candele che trema nel vento
anime scalse varda i to fioi
cara Madonna prega per noi
​
e le giornate scure, de chi ze drio soffrire
i pensieri, le paure, le pene da spartire
proteggi una famiglia, el povero che crede
oh madre, sposa, figlia, conforto nella fede
Cara madonna che iuta la gente,
chi ze nella prova, chi non gà pì gnente
Porta la luce fin dentro la sera
Come falive portà via dal vento,
anime perse varda i to fioi
cara Madonna prega per noi
​
Ave Maria, Ave Maria
